Veshja e kryeministrit Edi Rama në Samitin e Triestes për Ballkanin Perëndimor, e bëri të cilësohej si kryeministri më “cool” dhe sportiv.
Meritën e kishin atletet “Adidas-Superstar”, çmimi i të cilave varion rreth 200 euro. Pas reagimeve të shumta, Rama u shpreh se veshja, ishte zgjedhje personale duke shtuar, që të gjithë kanë shijet e tyre dhe nuk kanë pse paragjykohen.
Këtë mendim ai e përforcoi edhe dy javë më parë, në Velipojë, ku mblodhi ministrat e kabinetit të ri qeveritar. Edhe pse një takim formal, Rama zgjodhi të vishej sportiv me tuta, por edhe me këmishë.
Por në foton e fundit të publikuar në rrjetet sociale, kryeministri shfaqet tejet serioz në paraqitje. E sigurisht, duke qenë një takim me presidentin e Shteteve të Bashkuara,, Donald Trump, Rama nuk mund të vishte atletet apo tutat e tij.
Ai shfaqet tepër elegant me kostum blu të errët, ngjyra e të cilit është identike me kostumin e Trump. Ndërsa Zonja Linda Rama, ka zgjedhur një fustan lejla të errët kadife, me geta të zeza dhe sandale.
