Një ngjarje e rëndë me tre viktima tronditi mëngjesin e kësaj të hëne banorët e Tiranës.
Mësohet se dhëndri ka vrarë me armë vjehrrin, vjehrrën dhe më pas qëlloi veten. Ngjarja ndodhi në zonën e Unazës së Re (Astir), tek rruga “Kristaq Mone”, rreth orës 06:56 të kësaj të hëne.
Tre viktimat janë Bujar Mata, 63 vjeç, Valentina Mata, 52 vjeçe, të cilët u gjetën të vdekur në banesën e tyre, dhe dhëndri Majlind Lala.
Sipas njoftimit të policisë, poshtë ballkonit të banesës së bashkëshortëve u gjet edhe autori i krimit, i cili u transportua për ndihmë mjekësore në spital, ku ndërroi jetë.
Mësohet se kanë qenë fqinjët ata që kanë lajmëruar policinë, pasi kanë dëgjuar të shtënat. Po punohet për sqarimin e plotë të rrethanave të ngjarjes.
