Futbolli argjentinas është tronditur pas ngjarjes së rëndë, ku ish-portieri mbeti i vdekur.
Një sherr i nisur në bar përfundoi në tragjedi, pasi ish-portieri i Almagros dhe i Atletico Uruguait, Facundo Espindola, u qëllua për vdekje nga ish-futbollisti Nahuel Oviedo, i cili ka luajtur si sulmues i River Plate, Huracan dhe i San Telmos.
Pas plagëve të marra në fyt, Facundo Espindola ka ndërruar menjëherë jetë. Ndërkohë që Oviedo është arrestuar nga Policia e Argjentinës, disa minuta pas ngjarjes. Ende nuk bëhen të ditura shkaqet e debateve mes ish-futbollistëve.
Mediat në Argjentinë raportojnë se sulmuesi kishte precedentë të mëparshëm penale.
