Një grup adoleshentësh kanë përfunduar në spital teksa kishin shkuar me pushime në Greqi. 17-të të rinjtë britanikë, të moshave 17-18-vjeç kishin shkuar në qytetin e Laganasit në Zante për të festuar përfundimin e shkollës së mesme, mirëpo gjatë natës së dytë të qëndrimit atje u sëmurën rëndë.
Duke parë gjendjen e tyre të rëndë shëndetësore të rinjtë u transportuan me shpejtësi në spital. Sipas raporteve paraprake dyshohet se kjo gjendje ka ardhur pasi pijet kanë pasur përmbajtje metanoli.
“Është ç’njerëzore. Ne u helmuam. Nuk piva shumë atë natë. U zgjova rreth orës 3 me djersitje dhe temperaturë. Të gjithë ishin të sëmurë. Vjellja jonë ishte e kuqe dhe e zezë. Një nga djemtë ishte në shtrat dhe filloi t’i dridhej trupi pa kontrolll. Është gjetur gjurmë e metanolit në pije, është e tmerrshme”, mësohet të ketë thënë njëri prej të rinjve.
