Prej disa ditësh në mediat botërore është aluduar rreth shkaqeve të vdekjes së DJ-it suedez me famë botërore, Avicii, mirëpo sipas “Daily Mail” mësohet se ai ka vdekur si pasojë e një gjakderdhjeje masive të shkaktuar nga prerja e damarëve.
Raporti me detajet e vdekjes së Avicii-t vjen nga faqja “TMZ”, duke cituar burime të veçanta të cilat kanë dhënë informacione specifike rreth vdekjes së DJ-it.
Avicii, emri i vërtetë i të cili është Tim Bergling, u gjet i vdekur në Oman të Muscat-it, më 20 prill.
Javën e kaluar familja e tij shkroi një letër të hapur duke thënë se 28-vjeçari “nuk mund të vazhdonte më dhe donte paqen”.
Në letrën e familjes Avicii përshkruhej si një “shpirt i brishtë artistik dhe një djalë i ndjeshëm që nuk ishte bërë për makinerinë në të cilën përfundoi”.
Disa ditë pas vdekjes së tij u zbulua se Avicii kishte qenë në një marrëdhënie të përkushtuar me modelen Tereza Kačerová. Në një letër të postuar nga e dashura e tij në Instagram thuhej se ata kishin planifikuar që të kishin edhe një fëmijë së bashku.
Burimi: Daily Mail
