Një ngjarje sa tronditëse aq edhe e pazakontë ka ndodhur gjatë ditë së sotme në Ukrainë. Në media dhe rrjete sociale po qarkullon me shpejtësi video ku një politikan lokal lëshon tre granata në një mbledhje të këshillit të fshatit në Ukrainë.
Përfaqësuesi i këshillit Serhiy Batrin, 54 vjeç, shihet duke hyrë vonë në mbledhje dhe duke qëndruar pranë derës gjatë një diskutimi të nxehtë në seancën në Keretsk, në rajonin Zakarpattia. Ai më pas nxjerr dy granata nga xhepi teksa fillon të flasë, duke u shfaqur i inatosur.
Duke mbajtur një granatë në secilën dorë, ai më pas pyet “mundem”, përpara se t’i hedhë në dysheme pranë tij dhe një anëtare të këshillit që ishte ulur.
Pamjet kapin momentin shqetësues të shpërthimit. Burri shpërtheu edhe një granatë të tretë, sipas raporteve që citojnë forcat e rendit.
U dëgjuan tre shpërthime. Policia tha se gjithsej 26 persona u plagosën, gjashtë në gjendje të rëndë.
‘Këmbët e mia, nuk mund të eci… këmbët e mia janë prerë,’ tha njëri prej të plagosurve.
Një tjetër tha: ‘Telefononi ambulancën.’
Një zë thotë: ‘Më nxirr jashtë.’
Politikani vendas që ndezi granatat raportohet se ishte në mesin e të plagosurve rëndë.
View this post on Instagram
