Një ngjarje e rëndë ka tronditur Brazilin, kur futbollisti Gabriel Popo, i cili ishte gati për të luajtur, ndërroi jetë për shkak të disa problemeve shëndetësore.
26-vjeçari ishte gati të luante në një ndeshje për XV de Jau kundër Uniao Suzano, e cila u anulua pas incidentit. Mesfushori pësoi një problem shëndetësor dhe u dërgua me urgjencë në spitalin në Sao Paulo, ku më pas ndërroi jetë.
Klubi i tij bëri homazhe në një deklaratë ku shkruhej:
“Gabriel Popo, përgjithmonë në zemrat tona. Asgjë nuk na përgatit për lamtumirë si kjo. Popo na la shumë shpejt, por gëzimi, talenti dhe pasioni i tij për futbollin do të mbeten të gjallë tek secili prej nesh. Popo, do të luajmë, do ta veshim këtë fanellë dhe do të kthehemi më të fortë për ty!”.
