Këngëtari dhe aktori i njohur Jackson Odell është ndarë nga jeta në mënyrë të papritur në moshën 20-vjeçare. Ai është bërë i njohur për të gjithë me rolin e Arit në serialin e famshëm “The Goldbergs”.
I riu u gjet i vdekur në një shtëpi rehabilitimi në San Fernando Valley të Hollywood-it, ku po qëndronte për të tejkaluar problemet me drogën. Ende nuk dihet arsyeja e vdekjes, por po pritet përgjigja zyrtare e autopsisë.
Odell e ka nisur karrierën artistike në moshën 12 vjeçare në serialin “The Goldbergs” për të vazhduar më pas me filmat “The Fosters”, “Modern Family” dhe “iCarly”. Në vitin 2011 ka luajtur edhe në filmin “Judy Mooody and Not Bummer Summer”, me Heather Graham.
Gjithashtu Odell shkroi edhe këngën e filmit romantik “Forever My Girl” në vitin 2018. Ai ishte një artist i kompletuar që kompozonte këngë, këndonte dhe bënte covers-a, të cilat i postonte në kanalin e tij në YouTube.
