Gjurmë kokaine u gjetën pranë zyrës private të Boris Johnson dhe kudo në parlamentin britanik.
Kryeparlamentari ka premtuar se do të thërrasë policinë mes provave që sa vijnë e shtohen, të përdorimit të kokainës dhe substancave të tjera të paligjshme në parlament. Sir Lindsay Hoyle tha se do të hetonte kulturën e drogës në Westminster pasi gjurmët e kokainës u zbuluan në një numër vendesh të aksesueshme vetëm për njerëzit me leje parlamentare.
Shumë nga vendet ku u gjet gjithashtu drogë ishin të aksesueshme vetëm për parlamentarët, thuhet në raport.
Reporti citoi burime anonime që thanë se kishin parë një deputet “duke thithur hapur kokainë në një festë”.
Një test i ngjashëm në vitin 2019, i raportuar në Vice, gjeti gjithashtu gjurmë kokaine në ndërtesën e Norman Shaw North.
Deputeti konservator Charles Walker tha se Dhoma e Komunave kishte një “histori të gjatë të përdorimit të qenve nuhatës për të zbuluar eksplozivët” dhe tha se diapazoni i tyre mund të zgjerohet për të zbuluar drogën.
Jonhnson ka pranuar se ka provuar kokainën “në një festë”.
Ai i tha Piers Morgan se e kishte provuar atë në universitet, por se nuk kishte “asnjë efekt farmakologjik, psikotropik apo ndonjë efekt tjetër tek ai”.
Raporti vjen në mes të një goditjeje të re ndaj përdorimit të paligjshëm të drogës në Mbretërinë e Bashkuar, me vetë Johnson duke sugjeruar që përdoruesve të drogës mund t’u hiqen pasaportat dhe patentat e drejtimit. Më vonë këtë javë, Johnson pritet të nisë një plan 10-vjeçar për të trajtuar krimin e paligjshëm të lidhur me drogën.
