Është gjetur e vdekur në dhomën e gjumit të shtëpisë së saj në Filadelfia modelja e njohur e “Playboy”, Christina Carlin-Kraft.
Trupin e pajetë të modeles 36-vjeçare e ka gjetur policia pas një kontrolli rutinë, ndërkohë përflitet se ajo ka ndërruar jetë që të mërkurën.
Policia ka bërë të ditur se modelja është vrarë përmes shtrëngimit në fyt dhe zënies së rrugëve të frymëmarrjes.
Fqinjët e modeles së njohur kanë bërë të ditur se ajo nuk kishte më shumë se një javë që ishte vendosur në këtë banesë.
Ndërkohë që ende nuk dihen shkaqet e vrasjes së modeles së njohur, policia ka filluar të hetojë mbi një të ri 31-vjeçar, Andre Melton, të cilin Christina e kishte denoncuar disa ditë më parë për vjedhjen e banesës së saj.
Aktualisht ai po kërkohet vetëm për vjedhje, ndërsa mediat raportojnë se ai mund ta ketë vrarë modelen për shkak të denoncimit në polici.
