Një ngjarje e rëndë ka tronditur qytetin e Vlorës ditën e sotme, pasi një person ka mbetur i vrarë pas një sherri.
Pas një konflikti, 50-vjeçari i identifikuar si Stavri Mino, është goditur me sende të forta dhe ka humbur jetën.
Kjo ngjarje ka ndodhur në zonën e “Plazhit të vjetër”.
Sipas policisë, viktima është dënuar edhe më parë për dhunë në familje.
Njoftimi i policisë:
Rreth orës 16:20, në zonën pranë kabinave të Plazhit të Vjetër, dyshohet se pas një konflikti midis disa personave, njëri prej tyre ka rënë në tokë pa ndjenja.
Pas mbërritjes së shërbimit të ambulancës dyshohet se 50-vjeçari S.N., ka ndërruar jetë. Nga këqyrja paraprake viktima nuk ka shenja dhune të dukshme, megjithatë po punohet për përcaktimin e shkakut të vdekjes.
Shërbimet e Policisë kanë shkuar menjëherë në vendin e ngjarjes dhe kanë shoqëruar 3 shtetas; A.M, A.H dhe N.H., si autorët kryesorë të përfshirë në konflikt, me të cilët po punohet për zbardhjen e ngjarjes. Grupi hetimor ndodhet në vendngjarje duke kryer veprimet e mëtejshme hetimore.
Burimi: Lapsi.al
