Një ngjarje e rëndë ka ndodhur në zonën e Shënvlashit në Durrës. Djali, Esmerald Balla ka vrarë babanë, 62-vjeçarin Enver Balla, ndërsa trupi i pajetë është gjetur i hedhur brenda në një pus.
Vrasja dyshohet se ka ndodhur rreth 20 ditë më parë. Kanë qenë familjarët që kanë denoncuar humbjen e burrit në Polici. Zhdukja e 62-vjeçarit ishte bërë më datë 13 gusht 2024.
NJOFTIMI I POLICISË:
‘Në Komisariatin e Policisë Durrës ka kallëzuar shtetasi E. B., banues në fshatin Shënavlash, se më datë 13.08.2024, është larguar nga banesa, babai i tij, shtetasi E. B., 62 vjeç. Vijon puna për gjetjen e 62-vjeçarit.”
Para hetuesve autori, Esmerald Balla ka pranuar krimin. Hetuesit kanë përgjuar komunikimet telefonike dhe mesazhet e autorit ku më pas kanë zbardhur ngjarjen e rëndë.
Autori pas arrestimit ka pranuar krimin duke thënë se vrau të atin pasi ky i fundit i kishte marrë shuma parash.
