Almeda Abazi dhe bashkëshorti i saj, aktori turk, Tolgahan Sayisman, u përfshinë mbrëmjen e djeshme në një aksident. Makina me të cilën ata udhëtonin u përplas nga një taksi, në dalje të një parkingu të një restoranti në Stamboll.
“Almeda Abazi, e cila 4 ditë të javës i kalon në Shqipëri ku është angazhuar në prezantimin e “Dancing with the Stars” dhe bashkëshorti i saj Tolgahan Sayisman, i cili sapo është kthyer nga turi i tij në Afrikë, kaluan një kohë romantike në një restorant në Kurucesme”, shkruan media turke “Haberturk”.
Por ajo që ndodhi më pas, ka tronditur çiftin, i cili celebroi dashurinë vitin e kaluar. Nga aksidenti nuk pati të lënduar, por vetëm dëme të vogla të materiale.
“Faleminderit Zotit shpëtuam paq”, tha aktori Tolgahan Sayisman, i cili iu nënshtrua edhe një testi alkooli.
