Aktori i njohur shqiptar i serialit “O sa mirë”, Art Kurti është gjendur mëngjesin e sotëm i vdekur në makinë.
Rajoni policor në Gjakovë është njoftuar nga një telefonatë se është gjendur një makinë në aksin rrugor Gjakovë-Gorden, me një person brenda që dyshohet të jetë i vdekur.
Pas verifikimeve të bëra nga patrulla policore në vendngjarje, rezultoi se bëhej fjalë aktorin Arti Kurti, i cili ndodhej në makinë pa shenja jete.
“Viktimë e këtij rasti është personi me inicialet A.K. i lindur 1995 nga Gjakova, zyrtar komunal në komunën e Gjakovës. Policia ka ndërmarr të gjitha veprimet e nevojshme në drejtim të ndriçimit të të gjitha rrethanave të këtij rasti. Në vendin e ngjarjes është gjetur një armë zjarri – pistoletë me të cilën dyshohet që është kryer vepra. Trupi i pajetë është dërguar në IML për autopsi dhe presim konstatimet e të gjitha prova”, ka deklaruar Lirie Podrimaj, zëdhënëse e Policisë së Kosovës, rajoni i Gjakovës.
Arti Kurti njihej nga të gjithë si “Gjakovari” dhe ishte kryetar i të rinjve në Aleancën për Ardhmërinë e Kosovës.
