Më besoni që jam në tentativë serioze për të hequr dorë nga fustanet-këmishë “oversized”, tashmë jam aq kundra tyre sa mendoj se janë ato një arsye pse nuk po bie në peshë.
Sepse ende nuk jam koshiente për kilet mbipeshë edhe pse e di që janë aty poshtë fustanit-këmishë apo fustanit-tute.
Por më vjen dhe keq ndonjëherë pse duhet të ndihem në faj me kilet kur ndërkohë vetë ndihem aq mirë me fustanet “oversized”.
Sigurisht dhe shapkat e kryen ciklin e tyre, por si mund t’i thuash “JO” mokasineve si shapka, kur dukesh aq trendi dhe komode njëkohësisht.
Ky është një nga ato postimet që unë e forcoj veten të mos e bëj, por që e gjej veten ta përdor e përsëris herë pas here.
Sigurisht që nuk është një veshje që meshkujt lënë kokën, madje jam e sigurt që dhe ju që përdorni këtë stil ju kritikojnë.
Por unë ndjej që kam gjithë vëmendjen e femrave në rrugë, të cilat zhbirilojnë me cepin e syrit dhe unë e di që në fund një pjesë e mira e pëlqen këtë.
*Nga blogerja Estela Ujka, sharminstyle
