Tre vajza franceze, të dyshuara për planifikimin e një sulmi terrorist, janë arrestuar dhe akuzuar nga autoritetet franceze të antiterrorizmit. Vajzat, të moshave 18, 19 dhe 21 vjeç, u vunë nën hetim dhe u burgosën në kuadër të një operacioni të ndërmarrë nga Zyrën e Prokurorit Kombëtar të Antiterrorizmit të Francës.
Sipas raportimeve të bëra nga gazeta e njohur Le Parisien, thuhet se një prej vajzave, identifikuar si “B”, kishte rreth 20,000 ndjekës në platformën sociale TikTok, ku dyshohet se kishte shpërndarë përmbajtje pro-xhihadiste. Hetuesit besojnë se ajo mund të ketë luajtur një rol udhëheqës në grupin e vajzave dhe mund të ketë udhëhequr përpjekjet për të organizuar veprime të dhunshme.
Përmes hetimeve, është zbuluar se vajzat kanë diskutuar për mundësinë e realizimit të një sulmi, ku janë përmendur armë zjarri dhe objektiva potencialë si sallat e koncerteve dhe bare në Paris. Dyshimet janë të forta, pasi diskutimet dhe aktivitetet online të vajzave përputhen me një narrativë të dhunshme dhe radikale.
Autoritetet franceze janë të angazhuara për të parandalur çdo rrezik të mundshëm dhe janë në procesin e hetimeve të thelluara për të zbuluar më shumë detaje rreth planeve të mundshme të këtyre vajzave dhe lidhjeve të mundshme me grupe terroriste.
