Në vendin tonë janë regjistruar tre raste jetësh të humbura, të cilat dyshohet të jenë shkaktuar nga sëmundja e meningjitit.
Megjithatë, vetëm njëri prej rasteve është konfirmuar zyrtarisht; polici i rrugores Mariglen Mestani, i cili humbi jetën dy ditë më parë.
Mirëpo, a ka vend për panik?
Shefja e Epidemiologjisë në ISHP-ja, Silva Bino ka dalë në deklaratë për mediat.
Sipas saj, nuk ka vend për panik pasi ende nuk kemi një epidemi permanente, megjithatë ajo tregoi se ky infeksion i rëndë ka evolucion tepër të shpejtë.
“Nuk ka rrezik, pasi të gjithë personat që kishin kontakt me personin e prekur kanë marrë antibiotikët. Kemi vetëm një rast të evidentuar. Mostrat po analizohen, duhet të presim rezultatin dhe të themi të vërtetën”- tregoi Bino.
