Kourtney Kardashian dhe Travis Barker u martuan në tre ceremoni të ndryshme dhe të veçanta – por ai mesa duket dëshironte të zhvillonte ceremoni të shumta me yllin e “The Kardashians”.
Gjatë finales së sezonit të parë të “The Kardashians” të së enjtes, Kourtney ndau disa detaje të dasmës me Travis teksa të dy hipën në një makinë me Kris Jenner dhe të dashurin e saj, Corey Gamble.
Ajo tregoi se Travis i kishte bërë një kërkesë përpara se të zhvillonin ceremonitë e tyre.
“Mami, Travis më pyeti nëse do të martohesha me të një herë në çdo muaj për të gjithë vitin e ardhshëm,” tha Kourtney, ndërsa Kris, u përgjigj: “Oh uau. Me të vërtetë?”
“Me të vërtetë,” u përgjigj Travis.
Në një intervistë, Kourtney tha më herët se nuk ishte ajo vajza që donte me patjetër të martohej e të vishte fustanin e bardhë.
Në fund të episodit të së enjtes të “The Kardashians”, Kourtney foli më tej për të ardhmen e saj me Travis.
“Tani jam duke parë të ardhmen time me Travis. Dua të jem e lumtur”, tha ajo.
PEOPLE ishin të parët që publikuan lajmin për marrëdhënien e Kourtney dhe Travis në janar 2021.
Kourtney dhe Travis zhvilluan një martesë në Las Vegas në prill përpara se të martoheshin ligjërisht në një gjykatë në Kaliforni. Më 22 maj, dyshja zhvilluan dasmën përrallore në Itali.
Kourtney që atëherë ka shtuar mbiemrin “Barker” në Instagram.
