Në janar të këtij viti në mediat rozë u shpërnda me shpejtësi lajmi se Kourney Kardashian ka nisur një lidhje të re dashurie me Travis Barker. Këto zëra u konfirmuan pasi Kourtney i dërgoi këtij të fundit një letër dashurie, që shkriu zemrat e të gjithëve.
“Për shumë aventura. Le ta shkatërrojnë njëri-tjetrin plotësisht. Me dashuri, Kourtney”, shkruhej në letër nga bukuroshja brune.
Lidhja e tyre është bërë akoma më e fortë dhe Kourtney e Travis nuk kanë frikë ta shprehin publikisht dashurinë ndaj njëri-tjetrit. Barker ka publikuar së fundmi në profilin e tij në Instagram foton e një pusulle, në të cilën shkruhej “Të dua”, shoqëruar me vizatimin e një zemre. Menjëherë pas këtij postimi fansat vunë re se ai ishte shkrimi i Kourtney-t, diçka që i vu vulën dashurisë së tyre të fortë.
“Ai është një partner i mrekullueshëm dhe e trajton atë vërtetë shumë mirë. E mbulon atë me dhurata dhe komplimente. Ajo po e shijon shumë. Është shumë e lehtë që të jesh në një lidhje me të, sepse ata e njohin njëri-tjetrin prej shumë vitesh. Ai ka qenë gjithmonë pranë saj dhe më në fund ndodhi. Ata kënaqen shumë bashkë. Fëmijët e tyre e pëlqejnë shumë njëri-tjetrin dhe po funksionon për momentin. Asaj i pëlqen vëmendja dhe që e ka Travis në jetën e saj”, ka thënë një burim pranë Kourtney-t për “E! News”.
Së fundmi, Travis ka bërë një gjest shumë të veçantë për të dashurën e tij, Kourtney Kardashian duke e çuar lidhjen e tyre lidhja e tyre është tanimë në një tjetër nivel.
Ai ka bërë tatuazh emrin e yllin e “Keeping Up With The Kardashians”, dhe kjo e fundit e ndau foton në Instagramin e saj.
Para pak kohësh çifti bëri një udhëtim në Utah me fëmijët e tyre. Kujtojmë se Barker ndan vajzën 15-vjeçare dhe djalin 17-vjeçar me ish-gruan e tij, Shanna Moakler, ndërsa Kardashian ka tre fëmijë me ish-in e saj, Scott Disick.
