Reperi i njohur amerikan, Fatman Scoop, ka ndërruar jetë në moshën 53-vjeçare. Ai u rrëzua në skenë të premten gjatë performancës në Connecticut dhe u dërgua me urgjencë në spital, ku edhe më pas u konfirmua vdekja e tij.
Një reagim në lidhje me këtë e ka bërë edhe artistja shqiptare, Tuna Sejdi, e cila kishte bashkëpunuar me ta rreth tetë vite më parë. Ajo dhe Fatman së bashku me Franques sollën këngën “Knocks Me Out” në vitin 2016.
“Trashëgimia jote do të jetojë përgjithmonë përmes muzikës tënde. Dhe jam e lumtur që isha pjesë e saj”, ka shkruar ajo.
“Shumë dashuri për familjen, miqtë dhe fansat tuaj anembanë globit”, shtoi mes të tjerash këngëtarja.
Kujtojmë se kënga e tyre në atë kohë ka qenë një hit dhe dëgjohej kudo.
