Unioni i Transportit Publik ka njoftuar se duke filluar nga dita e sotme do të ketë një përgjysmim të numrit të urbanëve në Tiranë.
Ky veprim i tyre vjen për shkak të mosmarrjes së masave nga ana e qeverisë për të kompensuar humbjet që sektori publik ka pësuar gjatë pandemisë. Gjithashtu në deklaratë ata kanë shkruar se sektori ka shkuar deri në kapitullimin e ekonomik. Ata kanë kërkuar mirëkuptimin e qytetarëve për këtë situatë dhe presin zgjidhjen e kërkesave nga institucionet përkatëse.
Njoftimi i Plotë:
Të nderuar,
Përfaqsuesit e Unionit të Transportit Publik, ju vejnë në dijeni se pas një viti e gjysëm nga rihapja e
transportit publik, ndodhemi ende në pikën fillestare ku asnjë nga institucionet përgjegjëse nuk ka
marrë asnjë masë apo plotësim të kërkesave ekonomike të premtuara.E të gjendur në këtë situatë të pafuqishme ekonomike për të përballuar ecurinë e transportit dhe
sidomos pas rritjes së vazhdueshme e të pandërprerë të çmimit të naftës dhe të largimit të
stafit,jemi të detyruar që të operojmë nga datë 18.10.2021 me gjysmën e kapaciteit të flotës së
mjeteve urbane.Jemi në këtë situatë pas shumë kërkesash dhe njoftimesh si në isntitucionet vendore dhe ato
qëndrore ku mos reagimi i tyre na bën që të shkojmë deri në një kapitullim ekonomik të këtij sektori.
Duke kërkuar mirkuptimin e qytetarve, mbetemi në pritje të zgjidhjes së kërkesave tona nga ana e
isntitucioneve përgjegjëse.
Burimi: Gazeta Reforma
