Edona James është transgjinorja e parë shqiptare, që bëri të njohur për botën historinë e saj dhe ishte vetëm 23 vjeçe, kur bëri operacionin e vështirë për t’u shndërruar plotësisht në femër.
Në informacionin e shkruar në faqen e saj thuhet se, lindi në Shqipëri për t’u zhvendosur më pas në moshën 6-vjeçare në Iserlohn, Gjermani, bashkë me familjen.
“Që kur ishte fëmijë, ajo nuk ndihej komode me trupin e mashkullit dhe e kuptoi shumë shpejt që ishte transeksuale. Kur ishte 23 vjeçe ajo mori hapin e madh dhe iu nënshtrua transformimit gjinor”, shkruhet në informacionin rreth saj.
Edona ka disa javë që po përballet me një sëmundje të rëndë, ajo po kurohet për kancer.
Ishte vetë transgjinorja e njohur, që e ka bërë të ditur përmes disa imazheve, që ka publikuar në rrjetet sociale ku duket se nga sëmundja i kanë rënë edhe flokët. Ajo në një postim ka shkruar se ndihet e lodhur duke luftuar dhe se ndoshta po shijon momentet e fundit të jetës.
“Unë kam luftuar kaq shumë por që nuk mundem më. Tani asgjë më nuk ka kuptim. Po shijoj vitet e muajt ose ditët që më kanë mbetur”, është shprehur James.
Burimi: Instagram/ edonajames.com
