Kim Kardashian mund të jetë një nga femrat më të diskutuara për format trupore, veçanërisht të pasmet, por nëse i keni kushtuar vëmendje Instagram-it kohët e fundit, me siguri do ta vini re se yll i “Keeping Up With The Kardashian” ka gjithashtu muskuj të pabesueshëm barku.
Gjithçka falë trajneres së saj të mirë, Melissa Alcantara, me të cilën stërvitet 6 ditë në javë duke filluar në orën 6 të mëngjesit, për një orë deri në një orë e gjysmë çdo ditë. Alcantara ka zbuluar për WomensHealthMag.com ushtrimet që bën Kim për muskujt e barkut:
“Është e thjeshtë, por efektive në të njëjtën kohë”, thotë Alcantara.
Nëse i përfshini këto ushtrime në stërvitjen tuaj, ose i përshtasni ato pas një vrapimi, kjo rutinë është efikase.
Ushtrimi i parë
Shtrihuni me kurriz dhe vendosni pëllëmbët poshtë vitheve. Ngrini këmbët dhe gjoksin disa centimetra larg tokës duke mbajtur këmbët drejt dhe qafën pranë me gjoksin. Ngrini këmbët në një kënd 90 gradë, duke i mbajtur drejt. Duhet ta bëni katër herë nga 12-20 ushtrime të tilla.
Ushtrimi i dytë
Vendosni këmbët dhe duart përtokë dhe sigurohuni që kyçet e dorës, parakrahët dhe shpatullat tuaja të jenë drejt. Afroni këmbët drejt duarve në pozicion V, duke kërcyer. Bëjeni katër herë nga 12 deri 20 ushtrime.
Ushtrimi i tretë
Shtrihuni me shpinë në dysheme. Pastaj ngrini pak gjoksin tuaj dhe dy këmbët nga toka. Silleni gjurin tuaj të majtë në drejtim të gjoksit tuaj, dhe bashkoni duart nën gjurin tuaj. Pastaj shkoni në pozicionin fillestar dhe përsërisni me këmbën tuaj të djathtë. Bëjeni katër herë nga 12 deri 20 ushtrime.
Burimi: WomensHealthMag.com
