Të paktën 19 persona kanë ndërruar jetë dhe dhjetëra të tjerë janë plagosur, pas një sulmi me armë në një kolegj në Krimenë e aneksuar nga Rusia. BBC raporton se autori i sulmi është identifikuar si Vladislav Roslyakov, i cili ka hapur zjarr mbi nxënësit e shkollës teknike përpara se të qëllonte për vdekje veten. Miq të autorit të masakrës kanë rrëfyer se ai e urrente shkollën teknike dhe se mund të ketë qënë në gjendje të rënduar psikologjike.
Fillimisht dyshohej se ishte një akt terrorist, por më pas hetuesit e klasifikuan si vrasje masive. Sipas zyrtarëve lokalë, pjesa më e madhe e viktimave janë nxënës të shkollës teknike, ku studiojnë rreth 850 adoleshentë. Të gjitha shkollat dhe kopshtet u evakuuan pas ngjarjes në qytet.
Presidenti rus Vladimir Putin, shprehu ngushëllimet për të afërmit e viktimave.
Burimi: BBC
