Një shqiptar ka ndërruar jetë, si pasojë e një aksidenti rrugor të ndodhur ditën e dielë në Baker City, në shtetin amerikan Oregon.
Mësohet se viktima është 36-vjeçari Mitildit Lako, nga qyteti i Pogradecit. Ai ishte pasagjer në një furgon tip “Ford” që drejtohej nga një tjetër shqiptar, por papritur u godit nga pas nga një automjet.
Goditja ka qënë fatale për 36-vjeçarin shqiptar, pasi nuk kishte vendosur rripin e sigurimit dhe ka fluturuar nga dritarja e fugonit. Ndërkohë që drejtuesi i automjetit u dërgua në Spital.
Dy ditë pas tragjedisë, e shoqja e të ndjerit ka reaguar në profilin e saj në Facebook. Krahas fotos ku shfaqet me bashkëshortin e ndjerë dhe djalin, ajo shkruan: “O Zot përse më dënove kaq shumë? Do më mungosh shumë zemra ime.”
Në faqen online “Go Fund Me” është kërkuar ndihmë për funeralin e shqiptarit. Aty, synohet të mblidhen 30,000 dollarë për të ndihmuar bashkëshorten dhe djalin 12-vjeçar të viktimës.
