Një ngjarje e rëndë ka tronditur qytetin e Shkodrës mbrëmjen e sotme, pasi një 54-vjeçar u qëllua për vdekje me thikë. “Ballkanweb” bën të ditur se viktima quhet Prendush Fushaj.
Ndërkohë që është identifikuar edhe autori i tragjedisë, si shtetasi Fredi Pllumi, rreth 30 vjeç.
Mësohet se Policia ka mbërritur menjëherë në vendin e ngjarjes, që njihet ndryshe si “Ura e Thive”, dhe ka nisur hetimet për zbardhjen e plotë të krimit.
Sipas dyshimeve të para, mësohet se shkak për konfiktin mes viktimës dhe autorit është bërë një akuzë për vjedhje.
54-vjeçarit Fushaj i kishin vjedhur ditët e fundit një sasi parash, dhe për këtë ngjarje ai kishte akuzuar Fredi Pllumin, të cilin madje e kishte denoncuar në polici.
Pasi është lënë i lirë nga Policia, 30-vjeçari ka debatuar e ka therur me thikë Prendush Fushaj, duke i shkaktuar plagë të rënda, të cilat i kanë sjellë vdekjen.
