Një ngjarje tragjike ka ndodhur ditën e sotme në Përrenjas. Mësohet se një fëmijë ka ndërruar jetë pasi ka rënë në një gropë me ujë në fshatin Katjel.
Policia njofton se fëmija ishte 13 vjeç, ndërsa ngjarja ka qenë aksidentale.
“Më datë 23.05.2020 në fshatin Katjel, Prrenjas shtetasi E.D., 13 vjeç, dyshohet se aksidentalishtë ka rënë në një gropë me ujë, dhe për pasojë ka humbur jetën”, informon policia.
Kujtojmë këtu se ditën e djeshme, një 4-vjeçar humbi jetën në qytetin e Beratit pasi ra në kontakt me energjinë elektrike, teksa ishte duke luajtur në parkun e qytetit.
E gjithë ngjarja ndodhi nga pakujdesia e punonjësve të bashkisë së këtij qyteti.
