Është ndarë sot nga jeta në moshën 28-vjeçare DJ dhe producenti me famë botërore, Tim Bergling, apo siç njihet me emrin e artit DJ Avicii.
Përfaqësuesi i tij për mediat ka dhënë një lajm të kobshëm për të gjithë fansat e tij në mabrë botën. DJ dhe producenti muzikor është gjetur i vdekur këtë të premte në Oman, pa ditur asnjë detaj se nga se apo si…
“Me hidhërim të thellë njoftojmë ndarjen nga jeta të Tim Bergling, i njohur edhe si Avicii”, njoftuan përfaqësuesit e tij në një deklaratë.
“Ai u gjet i vdekur në Muscat të Omanit, pasditen e kësaj të premteje. Familja është e shkatërruar nga ky lajm, ndaj kërkojmë me përulje respekt maksimal për nevojën e tyre për privatësi, në këtë moment tejet të vështirë. Të paktën për momentin nuk do të jepen më informacione apo deklarata”.
Aviçi u tërhoq nga performancat e tij në vitin 2016, për shkak të problemeve shëndetësore. Disa prej hiteve më të shquara të tij janë “Levels”, “Wake Me Up” dhe “Hey Brother”.
