Një tragjedi e rëndë u shënua këtë të shtunë në Detin Mesdhe, pasi një gomone me 120 refugjatë u përmbyt. Ngjarja u shënua në një largësi prej 45 miljesh nga Tripoli, pranë ishullit të Lampedusës në Itali.
Sipas mediave italiane, gomonia mbeti e bllokuar për tre orë në det të hapur, ndërsa prej tragjedisë Forcat Detare të Italisë arritën të shpëtonin vetëm tre persona.
Këta të fundit treguan se ishin 120 veta në gomone, mes tyre dhe 10 gra, një prej të cilave ishte shtatzënë, si dhe dy fëmijë të vegjël.
Autoritetet nuk arritën të gjenin dot gomonen e mbytur.
Burimi: Gazetareforma.com
