Ditën e sotme ka ndodhur një tragjedi në liqenin e Shkodrës ku është mbytur një familje nga Zeta e Malit të Zi, së bashku me një djalë nga Podgorica.
Raportohet se ngjarja fatale ndodhi për shkak të stuhisë së fortë e cila përmbysi varkën.
Radojica Rasoviç, i cili ndodhej në të njëjtën varkë me viktimat, arriti që të mbijetonte.
Ai ka rrëfyer se u mbytën dy bashkëshortët dhe vajza e tyre, si dhe një djalë i cili u përpoq t’i shpëtonte.
Drejtori i Parkut Kombëtar të Malit të Zi, Nenad Ivanoviq, ka konfirmuar për median malazeze “Vijesti” se është gjetur një trup i pajetë, ndërkohë po kërkohet për personat e tjerë.
