Një ngjarje tragjike ka ndodhur sot në fshatin Mborje të Korçës. Një fëmijë 3-vjeçar me inicialet J.D ka humbur jetën pasi e ka zënë poshtë bombla e gazit.
Ngjarja e rënda ka ndodhur sot rreth orës 11:25, teksa 3-vjeçari po luante bombla e gazit e zuri poshtë duke i shkaktuar lëndime të shumta. Familjarët e dërguan menjëherë në spital fëmijën, por ai nuk mundi të mbijetonte.
“Rreth orë 11:25 në fshatin Mborje-Korçë, në banesë, shtetasit J.D rreth 3-vjeç, dyshohet se duke luajtur aksidentalisht i ka rënë duke e zënë poshtë, një bombël gazi e madhe e cila për pasojë i ka shkaktuar dëmtime trupore këtij të fundit.
Ky shtetas u shoqërua në Spitalin e Korçës nga familjarët e tij, ku më pas ka ndërruar jetë. Grupi hetimor po punon për sqarimin rrethanave të ngjarjes”, thuhet në njoftimin e bërë nga policia.
Burimi: Balkanweb
