Vetëm një ditë pas tragjedisë në një diskotekë në Koçan, ku humbën jetën të paktën 59 persona, situata në këtë qytet në lindje të Maqedonisë së Veriut është përshkallëzuar plotësisht, raporton gazetari i Kurir.
Dëgjohen thirrjet “Drejtësi” dhe “A do digjesh në ferr”
Protestat që ishin paqësore 15 minuta më parë janë përshkallëzuar në një valë incidentesh të dhunshme. Qytetarët janë drejtuar para shtëpisë së pronarit të diskotekës për t’i vënë flakën.
Qytetarët e revoltuar nisën një protestë në sheshin kryesor të qytetit, e cila mori një kthesë të dhunshme, pasi godina e bashkisë është goditur me vezë, por edhe me objekte të ndryshme.
Më pas makina e pronarit të diskotekës është vandalizuar dhe vendi i tij në qendër të qytetit është qëlluar me gurë. Gjithnjë e më shumë adoleshentë po i bashkohen në mënyrë spontane protestave.
