Sociologu Ergys Mërtiri, i ftuar në emisionin Open në News 24 të moderatores Eni Vasili, ka komentuar tragjedinë në Shkodër, ku një nënë dyshohet se është mbytur së bashku me 3 fëmijët e saj. Mërtiri theksoi se familja shqiptare sot është në krizë të thellë. Sipas tij, në tragjedinë në Shkodër kanë dështuar shumë institucione shtetërore. (lexo këtu)
“Në këtë rast kanë dështuar shumë institucione shtetërore. Nëse njeriu ka një hall në Shqipëri, nuk ka ku gjen zgjidhje. Ne besojmë se dhuna është mjeti i vetëm për zgjidhje, ne nuk besojmë tek dialogu dhe mirëkuptimi. Unë e shoh si problem të shoqërisë në tërësi. Familja shqiptare është në krizë të madhe. Aty brenda kemi tradhti bashkëshortore. Nëse ti tradhton familjen, ky nuk është problem patriakal. Ideja e pronësisë tek shqiptarët është gjenetike. Shqiptari e sheh si pronë edhe vendin e punës, edhe punëtorin e sheh si pronë. Këtu është një shoqëri moderne që ka degraduar. Ne nuk e dimë çfarë është e drejta dhe e shtrëmbëta. Ne nuk mësojmë njerëzit që të kulturohen”, shprehet ai.
Tragjedia e 2 Majit
Ngjarja e rëndë ka ndodhur më 2 maj. Deri më tani ishin gjetur trupat e dy vajzave, më e madhja u përcoll dje në banesën e fundit, ndërsa sot pritet që të mbahet varrimi i të miturës tjetër.
