Pesë ditë pas zhdukjes, polumbarët e forcave RENEA kanë gjetur sot trupin e djalit 3-vjeçar të familjes Arazi. Ndërkohë nuk ka ende asnjë gjurmë nga nëna e tre të miturve, Alma Arazi, e cila u vetëvra duke u hedhur në lumin Bunë të Shkodrës, bashkë me 3 fëmijët e saj.
Ngjarja e rëndë ka ndodhur më 2 maj. Deri më tani ishin gjetur trupat e dy vajzave, më e madhja u përcoll dje në banesën e fundit, ndërsa sot pritet që të mbahet varrimi i të miturës tjetër.
Ndërsa kërkimet për trupin e Alma Arazit vijojnë, bashkëshorti i saj Ergys Arazi dhe babai i tre fëmijëve të mitur, vijon të jetë në pranga. Kjo pasi akuzohet se ka ushtruar dhunë në familje, gjë që ka shtyrë 39-vjeçaren drejt aktit të vetëflijimit.
Deri më tani, 31-vjeçari ka mohuar të gjitha akuzat duke u mbrojtur me pretendimin se e shoqja vuante nga probleme të shëndetit mendor. Familjarët pretendojnë se Arazi kishte një lidhje tjetër jashtëmartesore, detaj që është marrë si pistë hetimi nga autoritetet.
