Zbulohen detaje të reja në lidhje me hetimet mbi tragjedinë e ndodhur në Shkodër, ku Alma Arazi u mbyt në lumin Buna, së bashku me 3 fëmijët e mitur. Gazetari Klodian Zhivani, ka treguar në emisionin “Breaking” në Top News, se grupi hetimor ka dyshime mbi kunatën e Almës, e cila mund të ketë dhënë një dëshmi të rreme. Për këtë arsye ajo do të pyetet sërish, teksa pritet që të pyetet edhe e reja që pretendohet se kishte lidhje me Ergys Arazin.
Ky i fundit ndodhet në burgun e Reçit, por nuk është në gjendje të mirë psikologjike.
“Grupi hetimor po vazhdon punën për zbardhjen e kësaj ngjarjeje Ka dyshime për vërtetësinë e deklaratës së kunatës të Alma Arazit, prandaj Prokuroria ka kërkuar që ajo të merret sërish në pyetje. Pritet që sot ose nesër ajo të paraqitet në Prokurori. Po ashtu, pritet të merret në pyetje edhe një vajzë që pretendohet se ka qenë e dashura e Ergys Arazit. Ndërkohë, ky i fundit ndodhet në burgin e Reçit, ku raportohet se po kalon një gjendje shumë të rëndë psikologjike dhe është nën mbikëqyrjen e doktorëve të burgut.”- tha gazetari.
