Një aksident i rëndë ndodhi mbrëmjen e djeshme në tunelin Tiranë Elbasan, ku një person humbi jetën.
Burime nga “Faxweb.al” bëjnë me dije se viktima që u dogj brenda mjetit që u aksidentua është vëllai i deputetes socialiste Blerina Gjylameti.
Ai quhet Elton Maçolli 42 vjeç, ndërsa mësohet se punonte tek Regjimenti i Farkes, ishte pilot helikopteri.
Aksidenti ndodhi mbrëmjen e djeshme në brendësi të tunelit, ku makina e Maçollit shpërtheu në flakë pas një përplasjes me një maune.
Mjeti ishte i pajisur me impiant gazi dhe raportohet se pas përplasjes me maunen ka shpërthyer brenda tunelit vetëm pak metra nga dalja e tij.
Kjo është tragjedia e dytë në familjen e deputetes socialiste, pasi rreth një vit më parë, në korrik të 2018-tës, ajo humbi të motrën e saj, pas një beteje të gjatë me një sëmundje të rëndë.
