Pasojat për Travis Scott janë të shumta pas tragjedisë në festivalin “Astroworld” në Hjuston në nëntor që rezultoi në 10 të vrarë dhe qindra të tjerë të plagosur.
Reperi u hoq nga lista e pjesëmarrësve për Festivalin e ardhshëm të Muzikës dhe Arteve në Coachella Valley 2022, ku ai ishte planifikuar të ishte ndër kryesuesit, sipas Variety.
I kritikuar nga disa pjesëmarrës të “Astroworld” që nuk e ndaloi më herët koncertin e tij kryesor, lajmi për largimin e tij nga Festivali Coachella vjen pas një peticioni të Change.org që po lobon për largimin e Scott nga të gjitha shfaqjet e Goldenvoice. Në kontrollin e fundit të premten mbrëma, peticioni kishte mbledhur rreth 60,000 nënshkrime.
Lajmi se Scott nuk do të jetë më pjesë e linjës së “Coachella 2022” u raportua fillimisht nga KESQ në Palm Springs, i cili ia atribuoi vendimin, pjesërisht, qytetit të Indio dhe menaxherit të Shërbimeve Komunitare Jim Curtis.
Peticioni online u bëri thirrje organizatorëve të “Coachella Goldenvoice” dhe Paul Tollett që ta largojnë reperin nga festivalet muzikore pas koncertit të tij në Hjuston.
Scott, së bashku me Rage Against the Machine dhe Frank Ocean u shpallën për herë të parë si titullarët e “Coachella” në janar të vitit 2020, por festivali është shtyrë disa herë për shkak të pandemisë COVID-19.
