Një aksident i rëndë ka tronditur komunitetin shqiptar në Gjermani, pasi tre persona nga Shqipëria kanë humbur jetën në një përplasje në afërsi të qytetit Koblenz, ndërsa katër të tjerë po marrin trajtim në spitalet lokale.
Ministria për Evropën dhe Punët e Jashtme ka konfirmuar lajmin tragjik, duke theksuar se informacionet i janë dhënë nga autoritetet gjermane. Identiteti i viktimave dhe detajet e aksidentit ende mbeten të panjohura, pasi hetimet për rrethanat janë në proces e sipër.
Në këto momente të vështira, ambasada shqiptare në Berlin dhe konsullata në Mynih janë angazhuar intensivisht për të ndihmuar familjet dhe të afërmit e prekur, duke qenë në kontakt të vazhdueshëm me autoritetet lokale.
Ministria shpreh ngushëllimet më të thella për familjet e viktimave dhe u uron shërim të plotë të plagosurve. Strukturat konsullore janë mobilizuar për të ofruar çdo ndihmë të nevojshme.
