Një fëmijë 3-vjeçar humbi jetën ditën e sotme në qytetin e Durrësit, për shkak të mbytjes. Ngjarja e rëndë nisi në një kopsht privat në lagjen numër 4 të qytetit bregdetar, ku vogëlushi shfaqi të vjella.
Sipas edukatoreve, vogëlushi pasi u zgjua nga gjumi hëngri drekën dhe më pas i nisën të vjellat.
Ai u dërgua menjëherë në Poliklinikën e Specialiteteve në Durrës, por nuk arriti të mbijetonte.
Deri më tani dyshohet se 3-vjeçari u mbyt për shkak të kalimit të ushqimit në rrugët e frymëmarrjes, gjë që i shkaktoi arrest kardiak. Sakaq, familjarët kanë bërë të ditur se fëmija nuk ka pasur probleme shëndetësore.
Policia e Durrësit ka nisur hetimet për zbardhjen e plotë të ngjarjes.
Burimi: Balkanweb
