Të paktën 25 persona humbën jetën pasi një autobus me turistë u përplas me një kamion në verilindje të Brazilit. Pesë persona u plagosën gjithashtu në aksident, sipas raporteve të shtypit brazilian, i cili publikoi edhe pamjet e rrënojave të kamionit.
Përplasja e tmerrshme ndodhi të dielën vonë pranë komunës Gaviao në shtetin brazilian verilindor të Bahia. Nuk dihet ende kombësia e të vrarëve dhe shkaku i aksidentit. Trupat e viktimave i janë dorëzuar policisë për identifikim, thanë zjarrfikësit.
Mes tyre ishin tetë burra dhe 17 gra, njëra prej të cilëve ishte shtatzënë. Të mbijetuarit u dërguan në katër spitale të veçanta me lëndime të shkallëve të ndryshme. Autobusi po udhëtonte nga Guarajuba për në Jacobina kur ndodhi përplasja brutale, ndërsa kamioni po transportonte mango. Zyra e kryebashkiakut të Jacobina, një qytet afër aksidentit, shpalli tre ditë zie zyrtare të hënën dhe po përgatit një ceremony kolektive për viktimat. Gushtin e kaluar shtatë tifozë të Corinthians me bazë në Sao Paulo u vranë në një autostradë në juglindje të vendit pasi ndoqën një ndeshje të ekipit të tyre kundër Cruzeiro në Belo Horizonte.
