Një tragjedi ka ndodhur në Bazel të Zvicër, ku një fëmijë, 11 vjeç, shqiptar nga Maqedonia e Veriut, është goditur nga një kamion dhe ka ndërruar jetë.
“Hera e fundit që pashë Elior ishte të enjten në mbrëmje”, kujton babai i tij. Të nesërmen në mëngjes djali i tij ishte ende në gjumë kur shkoi në punë si mirëmbajtës. E ëma e pa 11-vjeçarin, duke shkuar në shkollë atë mëngjes, shkruan gazeta zvcierane.
Ngjarja ka ndodhur teksa ai së bashku me të motrën kanë qenë duke u kthyer nga dita e fundit e shkollës. E motra e ka parë ngjarjen dhe ka vrapuar drejt nënës për t’i treguar se Eliori është nën kamion.
Babai i djalit thotë se nuk e dinë kush e ka vrarë djalin e tyre, ndërsa policia po kryen hetime.
