Një turiste greke 56-vjeçare ka humbur jetën tragjikisht në Amorgos, pasi ka rënë në zonën e Agios Pavlos. Aksidenti ka ndodhur në rrethana ende të paqarta, ndërsa gruaja ndodhej aty me vajzën e saj.
Mësohet se 56-vjeçarja ka rrëshqitur dhe ka rënë nga një shkëmb para syve të vajzës së saj. Kjo është një pikë që banorët e zonës e kanë vënë në dukje si veçanërisht të rrezikshme. Pavarësisht paralajmërimeve dhe protestave të vazhdueshme të banorëve, nuk janë marrë masat e nevojshme mbrojtëse për sigurinë e vizitorëve dhe banorëve. Ky fakt ka shkaktuar indinjatë dhe shqetësim në komunitetin lokal, i cili kërkon menjëherë që të ndërmerren iniciativa për të parandaluar incidente të ngjashme tragjike në të ardhmen.
Autoritetet lokale po kryejnë një hetim për shkakun e saktë të rënies, ndërsa po shqyrtohen edhe veprimet e mundshme për të rritur sigurinë në zonë.
