Adriana Lima prej pak kohësh është në lidhje me shkrimtarin turk Metin Hara, por në jetën e saj intime edhe më tej përflitet se ka edhe meshkuj të tjerë.
Kjo duket se e ka nevrikosur engjëllin e “Victoria’s Secrets”, e cila ka vendosur që publikisht të sqarojë situatën mes saj dhe personit me emrin Miltiadis Kastanis, për të cilin mediat shkruajnë se është në një lidhje të fshehtë.
“Po, kam thënë, Metin është dashuria ime. Por le të dihet se njeriu i cili ndodhet në fotografi me mua është miku im homoseksual Miltiadis Kastanis. Po, kam thënë mik homoseksual dhe do të shtoja anëtar i familjes sime. Arsyeja për shkak të të cilës kam dashur Turqinë është se ndjeva kaq shumë dashuri nga ky vend dhe njerëzit e tij.
Për këtë arsye ju lus që të respektoni privatësinë time dhe të Metinit, dhe ndaloni së përhapuri lajme të rreme. Ju lutem të pranoni faktin se dashurohemi dhe jemi të lumtur”, ka shkruar Lima në “Instagram”.
Ajo ua ka bërë me dije fansave dhe gazetarëve se dashuria e saj ndaj Turqisë nuk ka ndryshuar, pavarësisht gënjeshtrave dhe informacioneve të pasakta, të cilat qarkullojnë në mediat turke.
