Justin Timberlake është në titujt kryesorë të mediave rozë, por nuk është ashtu siç duket!
Të shtunën qarkulluan në internet fotot e aktorit 38-vjeçar ku shfaqej tepër komod dhe duke flirtuar me kolegen Alisha Wainwright.
Sipas “The Sun”, portali i cili raportoi për herë të parë për fotot e dyshes, ata u panë duke bërë një pushim nga xhirimet në një lokal të New Orleans natën vonë.
Pamjet tregonin duart e aktores 30-vjeçare mbi gjurin e Timberlake. Për më tepër, ata u panë duke prekur njëri-tjetrin dhe duke mbajtur duart në një moment. Por, përkundër asaj që duket në fotot e sinqerta, një burim tregon për ENews se “asgjë nuk po ndodh midis tyre”.
“Ata thjesht po punojnë së bashku. Nuk ka arsye për ndonjë thashethem tjetër përveç se janë duke filmuar së bashku”.
“Ata janë duke filmuar një film së bashku dhe ishte një grup njerëzish aty”, tha burimi i dytë. “Nuk ka asgjë mes tyre”.
As Timberlake dhe as Wainwright nuk kanë folur për thashethemet rreth fotove të fundit.
Aktori dhe këngëtari 38-vjeçar aktualisht është i martuar me Xhesika Biel. Çifti kurorëzoi dashurinë në tetor 2012 dhe kanë një djalë 4-vjeçar së bashku, Silën.
