Të jesh mama e një djali 2 vjeç ngjan si gjëja më fantastike në botë. Sigurisht, vetëm për ata që kënaqen me fëmijët e të tjerëve, ngaqë s’kanë akoma të vetët.
Të jesh mama e një djali 2 vjeç është një sfidë e vërtetë, sepse qëllon më shpesh të jetë si i themi ne “trazovaç” sesa i urtë si qingj.
Dhe siç duket, Tiani është një çapkën i vërtetë që u bën zbor prindërve.
Tuna tregoi sot me një foto në Instagram, ç’do të thotë të duhet t’i shkosh pas gjithë ditën një çamaroku që nuk le vend pa u kacavjerrë dhe të lë me zemër të ngrirë se mos bie.
Dhe, krahasimi që përdori tingëllon mëse i goditur:
“Të kesh një djalë 2 vjeç është si të kesh një shtrydhëse frutash pa kapak.”
Sinqerisht, nuk ka asgjë më të rrezikshme sesa një shtrydhëse frutash pa kapak.
Në foto, Tiani shfaqet duke bërë një nga ato të vetat: hipur diku, ia ka vënë syrin një tjetër vendi ku me shumë mundësi, po tenton të kërcejë.
Jo se ne e dimë ç’do të thotë të jesh prind, por me të dëgjuar e kemi nga prindër të famshëm shqiptarë se nuk është aspak si nëpër filma. (lexo këtu intervistën e Eno Popit për të bijën, Liv)
