Prej disa ditësh, qarkullonte lajmi se moderatorja e njohur politike Eni Vasili kishte braktisur “News 24” dhe ishte zhvendosur në një tjetër televizion.
Dhe duket se informacionet kanë qënë të sakta, pasi vetë “Top Channel” ka konfirmuar se gazetarja është bërë pjesë e këtij televizioni.
Eni Vasili, me një karrierë 20-vjeçare në fushën e gazetarisë, do të vijë për publikun me një emision ndryshe, nga ai që drejtonte prej disa vitesh, “Studio e Hapur”.
Emisioni politik, do të shfaqet në “Top Channel”, çdo ditë të hënë dhe të enjte. Duket se emisioni nuk do të mund të nisë në javën e parë të shtatorit, pasi ende po punohet mbi skenografinë.
