Top 5 make-up artistët më të paguar

1. Sam Fine

Lexo edhe :

Çfarë ndodh nëse kafsha juaj shtëpiake ha avokado?

S’donte të vihej re! Bad Bunny surprizon në mundje me maskën e Misticos

Afriko-amerikani Sam Fine, është një nga make up artistët më të paguar në botë, me një shumë prej $3,500 në ditë, që nuk përfshin kohën jashtë orarit dhe dietat për udhëtime. Fine ka punuar për supermodele si Naomi Campbell, Iman dhe Tyra Banks. Gjithashtu talentin e tij e kanë provuar edhe yje si Vanessa Williams, mbretëresha Latifah dhe Patti Labelle. Emërimi i tij si Drejtor Kreativ i firmës kozmetike “Fashion Fair Cosmetics” është ajo çka i përshtatet më së miri, duke qenë se kompania është e njohur për prodhimin e produkteve kozmetike për gra me ngjyrë. Duke patur parasysh eksperiencën e tij të punës me supermodele, aktore dhe këngëtare afriko-amerikane, është e sigurtë që Sam do të krijojë produkte cilësore për çdo grua me ngjyrë.

2. Charlie Green

Ajo është quajtur Betsey Johnson e botës së artistëve të make up-it. Charlie Green është një artiste e vërtetë që e përdor fytyrën e femrës si kanavacë duke mos e lejuar veten të kufizohet nga asnjë rregull strikt kur aplikon make up-in. Ajo ka një imagjinatë ekstremisht aktive, gjë që vihet re dhe në pamjen e saj, flokë platin dhe buzë të ndezura. Ndër klientët e saj mund të përmendim firma prestigjioze si: “Ann Taylor”, “Esprit”, “Estee Lauder”, “Fendi”, “Guess”, “L’Oreal”, “Lancôme”, “Maybelline”, “Oil of Olay”, “Revlon”, “Victoria’s Secret” dhe “Wella”. Gjithashtu yje si Alicia Keys, Angelina Jolie, Celine Dion, Charlize Theron, Elizabeth Hurley, Julia Stiles, Kate Beckinsale, Katie Holmes, Kelly Clarkson, Gwen Stefani, Paris Hilton, Penelope Cruz, Salma Hayek dhe Shania Twain, kanë ngelur të kënaqura nga dora e saj.

3. Pat McGrath

Revista “Vogue” e ka cilësuar si make up artisten më me influencë në botë dhe ta mendosh që Pat McGrath nuk ka bërë asnjë trajnim mbi modën apo make up-in. Ajo u “trajnua” duke dëgjuar komentet e nënës së saj kur shikonte filma klasikë. Më vonë ndoqi një kurs në Northampton të Anglisë. Që nga ajo ditë ka punuar në sfilatat e Parisit, Milanos dhe New Yorkut. Pati mundi të bëjë një gamë punësh duke ruajtur një sens ekskluziv. McGrath ka meritë për ngritjen e linjës kozmetike “Armani” si dhe ka punuar si Drejtore Bukurie për “Max Factor” dhe për firmën kozmetike “Cover Girl”.

4. Tom Pecheux

I njohur për sensibilitetin e tij, Tom Pecheux në fakt kishte aspirata për t’u bërë kuzhinier e jo një artist make up-i. Kur u zhvendos në Paris, gjatë adoleshencës së tij, takoi një make up artist, në një klub nate të quajtur “La Palace”. Ajo bisedë e çoi në ndryshimin e profesionit dhe që atëherë ka arritur majat në botën e make up-it. Tom u kujdes për make up-in e princeshës Dajana në kopertinën e “Vanity Fair” në vitin 1997. Ka punuar gjithashtu për personazhe si Julia Roberts dhe Charlize Theron. Me të parë talentin e tij, “L’Oreal” e punësoi menjëherë. Tom Pecheux u emërua si Drejtori Kreativ i “Estee Lauder”.

5. Gucci Westman

Gucci Westman u rrit mes Kalifornisë dhe Suedisë. Kulturat e ndryshme e kanë ndihmuar atë të jetë më unike në strukturën e punës së saj. Njihet për aftësinë e saj për të rritur moshën e gruas në mënyrë që të duket tërheqëse për një mashkull dhe jo kërcënim për një femër. Ka punuar me Natalie Portman dhe Drew Barrymore. Lindja e djalit e ngadalësoi paksa ritmin e ditës. Megjithatë mban mbi supe emrin e Drejtores Artistike Internacionale të “Lancome” dhe kjo nuk është pak. Në 2008-ën, Gucci mori detyrën e Drejtoreshës Artistike të “Revlon”.