Italia është e njohur për modën, por në klasifikimin e fundit nga Fashionista për institucionet më të mira të modës në botë në vitin 2017, janë renditur vetëm dy shkolla italiane . Kjo listë, e cila është publikuar nga faqja, merr në konsideratë jo vetëm shkollat e modës, por edhe universitetet që mbështeten në programe dedikuar modës. Metodologjia që ka ndjekur ky studim merr parasysh koston e linjës, emrat e famshëm që kanë dalë prej instituteve dhe reagimet e studentëve, në të kaluarën dhe të tashmen.
Nga klasifikimi vihet re se Londra është kryeqyteti i modës. Vendi i parë ishte Central Saint Martins në Londër, e ndjekur nga Parsons në New York dhe Kolegji i Modës në Londër në kryeqytetin e Britanisë së Madhe. Për të vijuar me Institutin e Modës dhe Teknologjisë në New York, dhe pastaj me Universitetin Kingston (Londër), Kolegji Mbretëror i Modës (Londër), Esmod (Paris), Antwerp Royal Akademia e Arteve të Bukura (Antwerp) dhe Bunka Fashion College ( Tokyo). Vendi i dhjetë shkon për Institutin Marangoni në Firence (që në 2016-n ishte në vend të katërt), dhe Polimoda, në vendin e 23-të (nga vendi i 19-të në vitin 2016) .
Në pjesën e dytë të Top 25 renditen disa shkolla si: (Kolegji Savannah në Gjeorgji, por edhe Universiteti Drexel në Filadelfia), një emër izraelit ( Kolegji Shenkar i Inxhinierisë dhe Dizajnit në Ramat Gan) dhe dy shkolla Australiane ( Universiteti RMIT i Melburnit dhe Instituti i Teknologjisë Tafe në Sydney).
Burimi: pambianconews
