Tomorr Brahushi nga Lushnja ka kërkuar ndihmën e shtetit për të bërë një ndërhyrje kirurgjikale për të ndryshuar gjini.
44-vjeçari i bën apel shtetit dhe donatorëve të ndryshëm, ta ndihmojnë në mënyrë që t’i nënshtrohet operacionit për ndërrimin e gjinisë.
Brahushi jeton i vetëm në kushte të mjera në një ndërtesë në Lushnjë, pasi prindërit birësues janë ndarë nga jeta.
Prej vitit 2007 jeton në terr pasi nuk ka lekë të paguajë energjinë elektrike. Thotë se jeton duke kërkuar lëmoshë, ndërsa fqinjët i janë gjendur gjithmonë pranë duke i dhënë për të ngrënë.
Por mbi të gjitha këto, qëndron një dëshirë e tij: të jetojë si grua. Të qenit mashkull, thotë se i shkakton stres. Shprehet se ka të nevojshme të marrë hormone femërore.
Operacione të tilla kirurgjikale janë mjaft të kushtueshme ndaj Tomorri kërkon që ta ndihmojë shteti ose kushdo që ka mundësi financiare.
/Shqiptarja
