Ndoshta ju e mësuat emrin e tij vetëm për shkak të romancës së fundit 3-mujor me Taylor Swift. Por Tom Hiddleston është një aktor shumë i njohur për rolet kryesor, pretendet për të luajtur rolin e James Bond dhe një mashkull me shumë stil.
Në intervistën e dhënë së fundmi për revistën e njohur “GQ”, Tom Hiddleston, ka folur hapur për romancën e tij të shkurtër me Taylor Swift. Ai gjithashtu ka shpjeguar arsyen e veshjes së bluzës me mbishkrimin “Unë e dua TS”, duke zbuluar se ishte thjesht një shaka mes miqsh.
“Ishte data 5 korrik ku ishim mbledhur në një festë private dhe në një moment unë bie dhe lëndohem në kurriz. Duke qeshur pyes nëse dikush kishte një bluzë, në mënyrë që ta mbroja nga rrezet e diellit. Një shoqe e Taylor më jep atë bluzë me mbishkrimin “Unë e dua Taylor Swift”. Kjo është e gjitha e vërteta”, ka shtuar Tom.
Aktori hollivudian ka hedhur poshtë thashethemet se lidhja e tij me Swift ishte thjesht për publicitet, duke thënë me bindje që ishte e vërtetë.
“Duhet të jem i fortë nga ana psikologjike për të mos lejuar që interpretimet e njerëzve të ndikojnë në jetën time. Një romancë ekziston mes dy personave. Vetëm ne të dy e dimë se çfarë ishte ajo”.
Ai vazhdon më tej: “Taylor është një femër e mrekullueshme. Ajo është bujare, e sjellshme dhe e dashur, dhe ne ia kaluam shumëmirë… Sigurisht që (lidhja) ishte e vërtetë”.
Burimi: GQ
